ياااااااااااارب

انا العبد

مشارى راشد

بسم الله الرحمن الرحيم

جاء فى الحديث انه

اذا رفع العبد يديه للسماء وهو عاصى فيقول يا رب

فتحجب الملائكه صوته فيكررها يارب

فتحجب الملائكه صوته فيكررها يا رب

فتحجب الملائكه صوته فيكررها فى الرابعه


فيقول الله عز وجل الى متى تحجبون صوت عبدى عنى ؟

لبيك عبدى........ لبيك عبدى........... لبيك عبدى

يارب...........يارب

يا رب........ يارب


يارب
زدنى قربا اليك ........وأجعلنى من الصابرين واجعلنى من الشاكرين

يارب

اجعلنى فى عينى صغيرا وفى أعين الناس كبيرا

يارب

أغفر لى الذنوب التى تهتك العصم

وأغفر لى الذنوب التى تنزل النقم

واغفر لى الذنوب التى تغير النعم

واغفر لى الذنوب التى تحبس الدعاء

واغفر لى الذنوب التى تنزل البلاء

يارحمن

يارحيم

هى البلد دى ملهاش صاحب

بسم الله الرحمن الرحيم

انا عارفه ان من زمان قوى مفيش اى حاجه منى بس والله ضغط شغل

وعارفه انى مردتش على التعليقات بس والله مش تجاهل منى لاسمح الله بس مكنش فى وقت

على العموم سماح النوبه دى

بصوا يا اخونا انا كنت داخله النهارده وكلى ابتسامه امل ان فى خير جاى

وكنت ناويه اغير اسم المدونه ولو حد عنده اقتراح لاسم احب اسمعه برضو

يمكن عشان حاسه انى جوايا احاسيس كتيره متغيره بس بجد حاسه ان فى حاجه جديده جوايا

وربنا يسامحه بقى طبعا مش محتاجه ان اذكر اسماء دى حاجه معروفه

قتل جوايا حاجه حلوه

وكنت عايزه اقوله ان %30محلتش مشكله ده يمكن كمان انها ذودتها اكتر

عايزه اسالك %30حتديها لمين لموظفين الحكومه طيب ما بلدك الاغلبيه العظمى منها قطاع خاص والبركه فى مجهوداتك برضو اللى خصخصت كل حاجه

ولما ذودت %30 ورفعت الاسعار .... %30 حتعمل ايه طيب ما احنا رجعنا تانى من الاول

وبعدين بلدك الاغلبيه العظمى فيها رزقهم اليوم بيومه يعنى ملهمش مرتب ثابت عايشين عليه يستنوه اخر كل شهر ويرتبوا عليه حياتهم دول يوم معاهم و10 ايام مفيش

حياكلوا من فين انت عايز تعمل فينا ايه تانى

حنفضل لامتى فى نفس الدايره المغلقه دى اتخنقنا ارحمنا بقى ده ربنا بيرحم

انا طول عمرى ومهما شوفت من قسوة عمرى ما حسيت انى ممكن اكره حد او ادعى عليه

بس بجد برافو عليك انت اللى بيقولوا عليه بيخلى الحجر ينطق

كنت عايزه اعرف هى البلد دى كلنا عايشين فيها مع بعض ولا انت فى مكان واحنا فى مكان تانى

كفايه كده البلد حتولع فى بعض

طيب هو مينفعش احنا نتسأل عايزين ايه

هو ده بقى اللى بيقولوا عليه الموت بالبطيء

انا طول عمرى عندى اكيد ويقين ان لازم نطيع اولو الامر منا

بس لامتى كده

احنا تقريبا كده بدأنا فى العد التنازلى لاستقبال ضحايا اولو الامر

هو انت بتكرهنا قوى كده ليه

انزل الشارع وامشى على رجليك وشوف وشوش الناس حوليك

وكميه التعاسه اللى عليها وانت تعرف انت عامل فينا ايه

ده حتى احساسنا ببعض بدء يروح

مفيش حد حيبص لحال حد ولا حيعطف عليه

بجد كفايه كده

ياريت يكون فى لحظه ندم ورجوع قبل ما ينفعش الندم

اللهم اجرنا فى مصيبتنا واخلفنا خيرا منها

حسبى الله ونعم الوكيل

على فكره انا برضو مستنيه مقترحات لاسم جديد للمدونه

غربه

بسم الله الرحمن الرحيم

يعنى ايه غربه؟

انك تعيش لوحدك من غير ناس

ولا انك تعيش فى وسط ناسك وانت حاسس انك غريب ما يبنهم

ايه الاصعب؟

ان ميكونش فى ناس تتكلم معاهم

ولا انك تكون مع اقرب الناس ليك بس مفيش لغه حوار بينكم

ايه اللى يجرح اكتر؟

انك تكون بين ناس قريبين منك بيحسوا بيك يدوروا عليك يهتموا لامرك ........ويبرد احساسهم بيك بالرغم من وجودك معاهم

ولا ان مترتبطش باى احساس مع اى حد عشان متحسش بالفرق لما يبعدوا عنك او لما تبعد انت

صحيح زى ما بيقولوا ان البعيد عن العين بعيد عن القلب؟

يعنى هو فعلا ممكن اللى حواليك ينسوا وجودك ويتعودوا على انك مش معاهم عشان انت بعدت شويه

بعدت شويه؟

مش يمكن تكون بعدت قوى

بس لو انت صحيح فارق معاهم بجد مش حيدوروا همم عليك

يمكن يكونوا دوروا وانت محستش؟

يمكن يكونوا احتاجولك وانت مكنتش معاهم؟

طيب مقالوش ليه؟

يمكن قالوا وانت محستش

ولما توسع الفجوه قوى ما بينكم ممكن حاجه تضيقها او تقفلها خالص؟

طيب انت مفروض تعمل ايه

حتقرب انت تتكلم معاهم

بس الوضع مختلف حاجات كتيره اتغيرت حاجات كتيره انت متعرفهاش مش بس فى الحوار

يمكن الاكتر فى الاحاسيس فى الانفعالات ردود الافعال فى الاهتمامات

ياااااااااااااااااااااه معقول تكون بعدت قوى كده

طيب لو قربت حتقول ايه ............ حتوصلهم ده الذاى

ده يمكن الاسهل ليك انك تبنى مشاعر واحاسيس مع ناس تانى اكيد اسهل من انك تصلح

بس انت فعلا حتقدر تنسى اللى فات ......لما هو الاساس حيتنسى ازاى

اللهم انت اعلم بحالى وغنى عن سؤالى

بس الاكيد ان لسه فى حاجه موجوده اكيد موجوده

يمكن محتاجه بس شويه وصال

اكيد حتيجى بعد شويه تعب

بس اكيد حتيجى

كل عيد أضحى وأنتم بخير

بسم الله الرحمن الرحيم

ايووووووووووه لسه عايشه

انا عارفه ان ده السؤال اللى بتسألوه دلوقتى هيه البنت دى لسه عايشه هههههههههههه

انا قولت بما ان عيد الاضحى دخل يبقى لازم اعيد عليكم واوصيكم الوصايا العشر

بس والله الدخول كان صعب شويه لغايه لما نفضت المدونه من التراب اللى كان عليها وشلت العناكب اللى كانت مستعمراها اخد منى فتره شويه ههههههههههههه

المهم انا بطمن الناس اللى سألت عنى انا كويسه الحمد لله ومفيش حاجه وحشه ان شاء الله

بس يمكن ضغط الشغل ومفيش وقت لحاجه خالص

نيجى بقى للمفيد

مش حوصيكم كلوا من اللحمه والفته لغايه لما تفتصوا بس اوعوا تنسوا الغلابه

وادعوا دايما بنصره الاسلام والمسلمين وربنا يعيد علينا اعيادنا واحنا دايما فى عزه وكرامه

شكرا ليكم قوى

خلاص بقى مش حطول عليكم

كل سنه وانتم طيبين

وأشوفكم على خير

عيد سعيد على الامه الاسلاميه اجمع

بســــــم الله الرحمـــــــن الرحـــــــيم

كل سنه والامه الاسلاميه اجمع بخير

مش حقول كلام كتير بس بجد وحشتونى

يعنى فعلا الواحد حس ان فى ناس كتيره غاليين عليا خالص

ربنا يكرمكم اجمع بكل الخير

ويعيد علينا رمضان اعوام عديده

ويدوم علينا نعمه الاسلام وكفى بها نعمه

اللهم تقبل منا رمـضان

صلاه الله مولانا على طه الذى جانا

بســـــــــم الله الرحمـــــــــــــن الرحيــــــــــــم

ختامه مسك ان شاء الله

الكلام ده اسمه تراث عربى من واحد اسمه ( حسام عكاشه

صلاه الله مولانا على طه الذى جانا

صلاه الله على المختار ضمين الامه من النار

يبقى شفيعنا يوم نحتار وفوق صراطه عدانا

صلاه الله على المحبوب دوانا وطب كل قلوب

يوم ما يظهر المكتوب يوم الراجح ميزانا

صلاه الله عليه الزين لشفاعته احنا عايزين

بالجنه بنكون فايزين الفردوس عليانا

صلاه الله على ا بن قريش هاشمى وزى نسبه مافيش

اللى فى مكه كان بيعيش يحارب الكفر واوثانا

لمكه وديارها هجر ولارض المدينه هاجر

قالوا قوم بنى النجار علينا طلع البدر جانا

صلاه الله من المعبود على العدنانى اصل جدود

يوم نلقى الصراط ممرود برحمته ربى يتولانا

عليه افضل صلاه الله محمد بن عبد الله

يتم الاب جده رباه خير الخلق انسانا

كل سنه وانتم طيبين وربنا يجعله خير على الامه الاسلاميه اجمع ان شاء الله

وكده نقدر نقول ان ده اخر كلام لغايه بعد شهر رمضان ان شاء الله

امانه امانه امانه

ادعولى